Навагодняя Ялінка
     Ў хаце ажыла.
     Зорачка на верхавіне
     Сілу ёй дала.
     
     Дзеці скачуць і смяюцца,
     Песенькі пяюць.
     А Ялінка разам з імі
     Цацкамі звініць.
     
     Дожджык льецца на іголкі
     Але без вады.
     Ён бліскучы і яскравы,
     Быццам залаты.
     
     Мандарынкі і цукеркі
     З нітачак звісаюць.
     Зайчык, ліска і вавёрка
     З дзеткамі гуляюць.
     
     Пад Ялінкаю схаваўся
     Стары Дзед Мароз.
     Як жа ён у цёплай хаце
     Адмарозіў нос?
     
     У бабулі ён калісьці
     Ў скрыначцы ляжаў.
     Ні крупінкі чараўніцтва
     Там не атрымаў.
     
     Гэта толькі проста цацка,
     Што і гаварыць!
     Падаруначкі не зможа
     Дзеткам падарыць.
     
     Дзед Мароз прыйдзе сапраўдны,
     Іх не абміне.
     Кожнаму падорыць тое,
     Што бачыў у сне.