Прясвячаецца маёй матулі.
     
     Як у чыстым полі
     Ды ў славу Бога
     Прараслі зярняты
     Лёну залатога.
     
     Дожджык кропель чыстых
     Ім не шкадаваў,
     Цёплымі струменямі
     Зерне паліваў.
     
     Сцёблы лёну ўвысь
     Да неба параслі
     І надзею шчасця
     Людзям надалі.
     
     Промні сонца шчодра
     Сцёблы сагравалі,
     Поўны дзень на полі
     Яны шчыравалі.
     
     Расквітнела поле
     Скрозь блакітным цветам,
     Дорыць радасць людзям
     Чарадзейным летам.
     
     Хутка лён паспее,
     Стане шаўкавістым –
     Абцярэбіць трэба
     І сцёблы пачысціць.
     
     Каб з пушыстай пражы
     Спрасці тонку ніць,
     Ёй сваё сардэчка
     У працы падарыць.
     
     З нітак тых сатчэцца
     Палатно льняное
     Мяккае прыгожае,
     Сваё дарагое.
     
     Новыя сукенкі
     Апрануць мы рады.
     Будзе ў хаце шчасце,
     Прыйдуць у хату сваты.
     
     p.s. Малюнак вядомай беларускай мастачкі Наталлі Расолька