ЧАРОЎНЫ СВЕТ ДЗЯЦІНСТВА
Кніга казак і апавяданняў “Чароўны свет дзяцінства” прызначана для дзяцей малодшага школьнага ўзросту. У ёй сабраны займальныя гісторыі пра вучобу у школе і вясёлы час школьных канікулаў. Гэта кніга пра сапраўднае сяброўства, любоў і павагу да людзей, да сваёй сям'і, пра веру ў сябе, у свае сілы. Героі апавяданняў смела ідуць да вызначаных мэт і не баяцца жыццёвых нягод.
Прадмова да кнігі
Дарагія сябры! У вашых руках зборнік апавяданняў і казак, прызначаны для дзяцей малодшага школьнага ўзросту.
У ім размешчаны займальныя гісторыі пра вучобу не толькі ў звычайнай, але і ў музычнай школе, пра вясёлы час школьных канікулаў. Героі казак і апавяданняў падзеляцца з чытачом сваімі думкамі і перажываннямі, распавядуць пра сваё штодзённае жыццё, цікавыя падзеі ў школе і дома, пра свае захапленні і запаветныя мары.
Школа – крыніца ведаў. Без атэстата сталасці не атрымаеш добрай прафесіі, не забяспечыш матэрыяльна сваё жыццё. Але не толькі вучобай запоўнены нашы школы. У іх мы знаходзім сапраўдных сяброў, выхоўваем у сабе самыя каштоўныя рысы характару, неабходныя нам у дарослым жыцці, такія як мэтанакіраванасць, сабранасць, дапытлівасць, працавітасць і стараннасць, жыццерадаснасць, зычлівасць, павага да старэйшых, любоў і клапатлівае стаўленне да прыроды.
Хтосьці імкнецца спланаваць свой час так, каб яго хапала на вучобу, захапленні і дапамогу родным, хтосьці жадае навучыцца іграць на цікавым музычным інструменце, хтосьці марыць добра танчыць у балетнай школе, а хтосьці шукае сабе чацверанога сябра. Да того ж, героі кнігі берагуць у сэрцы любоў і павагу да людзей, да сваёй радзімы, клапоцяцца аб родных і сябрах, стараюцца дапамагаць усім, хто мае патрэбу ў гэтым, бо жадаюць вырасці годнымі грамадзянамі сваёй краіны. Часам не ўсё складаецца добра, бываюць у адносінах паміж дзецьмі і непаразуменні, якія ім трэба вырашаць.
Цікавыя гісторыі пра гэтыя і іншыя справы і захапленні герояў казак і апавяданняў вы даведаецеся, прачытаўшы кнігу.
У добры шлях, сябры, па старонках зборніка "Чароўны свет дзяцінства".
Змест кнігі наступны:
Нашы школы
Вучэнне – святло
Як літары і лічбы рыхтуюцца да школы
Першы раз у першы клас
Першы раз у музычны клас
Страўсяня-першакласнік
Крошачка-Хаўрошачка
Буквар – Чараўнік
Як нябесны Гномік вучыў табліцу множання
Маленькі скрыпач
Твой Будзільнік
Дзімкіна Залатая Рыбка
Залатая восень на школьным двары
Снежная зіма
У Зімовым Лесе снегавіка Марозка
Школьныя арэлі
Школьны фруктовы сад
Электронную кнігу “Чароўны свет дзяцінства” можна знайсці на галоўнай старонцы ў раздзеле “Казкі і апавяданні”
эл.книга " Чароўны свет дзяцінства "
11.03.21