Мая родная мова, мая калыханка!
     Я люблю твой пяшчотны ласкавы напеў.
     Хто прыдумаў цябе, увысь падняўшыся зранку,
     У азёраў люстэркі з любоўю глядзеў.
     
     Можа бусел прынёс цябе людзям на крылах,
     А ў птушак лясных ты ўзяла галасы?
     Можа звон ручаёў ты ўсім падарыла
     Простым голасам сэрца і добрай душы?
     
     Я люблю цябе, мілая родная мова,
     Ты ж красуйся, жыві, лашчы сэрца маё.
     Ні за што не згублю беларускае слова,
     Яно з намі навекі, яно – наша жыццё!
     
     
     21 лютага – Міжнародны дзень роднай мовы.