На самай верхавіне велізарнага Дуба чорны Дрозд звіў сабе выдатнае ўтульнае цёплае гняздзечка. Унізе, каля падножжа Дуба, другая птушачка таксама звіла сабе гняздо. Яе звалі Заранкай.      – Навошта ты так высока ўеш гняздо? – спытаў Дуб у Дразда. – Хіба не баішся, што твае птушаняты выпадуць з яго і разаб'юцца аб зямлю?
     – Што ты, Дуб! Маё гняздо вельмі добрае! У ім няма ніводнай шчылінкі, яно нібы злілося разам з тваёй галінкай. Праз маленькую дзірачку птушанятам не выпасці!
     – А ты, Заранка! Навошта ў кустах кешкаешся. Няўжо думаеш, што Ліса не знойдзе тваё гняздзечка?
     – Ніяк не, не адшукае! Паглядзі, Дуб, як я яго замаскіравала галінкамі і мохам.
     – Раз так, жывіце! – важна прашамацеў лісцем Дуб, як бы дазваляючы птушкам жыць пад яго заступніцтвам.
     Неўзабаве ў сем'ях Дразда і Заранкі з'явіліся дзеці. Птушаняты хутка выраслі і навучыліся лётаць.
     – Прывітанне! – сказаў сынок Дразда сынку Заранкі.
     – Прывітанне!
     – Ты што ж, жывеш унізе?
     – А ты дзе, наверсе?
     Птушаняты былі здзіўлены такой непадобнасцю сваіх хат.
     – На будучы год я зраблю сабе гняздо ўнізе, мне там больш падабаецца, – вырашыў сын Дразда.
     А сынок Заранкі таксама падумаў, што пабудуе сваё гняздо зусім не там, унізе, дзе любяць будаваць гнёзды яго бацькі, а наверсе, каля неба.
     Такім чынам, увесну малады Дрозд звіў прыгожае гняздо ўнізе і прыляпіў яго да зямлі. Але яго маладая гаспадыня зусім не ўхваліла яго работу.
     – Што ты! Хіба тут уюць гнёзды! Яно добра відаць з усіх бакоў. Я не буду падвяргаць небяспецы нашых дзетак, – і жонка маладога Дразда паляцела на верхавіну разгалістага Клёна, каб віць там новае гняздо.
     А малады сын Заранкі ўжо чакаў сваю гаспадыню на верхавіне старой Ліпы. Там ён звіў гняздо. Праўда, яно зусім не падыходзіла дзеля таго, каб у ім гадаваць птушанят, бо было дзіравае, як рэшата. Яму трэба было перасяляцца на зямлю і хаваць новае гняздо ў кустах, паўкрываючы яго зверху галінкамі і мохам.
     А выснова такая: шануй вопыт сваіх бацькоў і імкніся жыць разумна.
     
      Гэтая казка на рускай мове